Gjaldþrot blasir við tónlistarskólum í Reykjavík

Júlíus Vífill Ingvarsson, borgarfulltrúi

Júlíus Vífill Ingvarsson, borgarfulltrúi Sjálfstæðisflokksins, gagnrýndi harðlega það „vonlausa rekstrarumhverfi“ eins og hann orðaði það, sem meirihluti borgarstjórnar hefur búið tónlistarskólunum. „Ég setti málefni tónlistarskóla í Reykjavík á dagskrá borgarstjónarfundarins til að fá fram umræðu um það alvarlega ástand sem við blasir. Mér finnst það ábyrgðarleysi af borgarfulltrúum meirihlutans að gera framlög til skólanna að bitbeini í átökum við ríkið um það hvort ríki eða borg eigi að greiða fyrir framhaldsmenntun tónlistar.  Það er mjög stutt í að þau átök munu ekki skipta neinu máli vegna þess að það verða engir tónlistarskólar sem kenna á framhaldsstigi til að taka við…

Trú í skólum rædd í Kastljósinu

Hildur Sverrisdóttir í Kastljósi

Hildur Sverrisdóttir, varaborgarfulltrúi og fulltrúi Sjálfstæðisflokksins í mannréttindaráði mætti Líf Magneudóttur, formanns mannréttindaráðs borgarinnar og varaborgarfulltrúa Vinstri grænna í Kastljósinu í gærkvöldi en þær deildu um hvort að kirkjuferðir í grunnskólum á aðventunni séu brot á samskiptareglum borgarinnar. Umræða hefur skapast um málið eftir að Líf gagnrýndi skólaferð í Langholtskirkju á Facebook. Hildur taldi að kirkjuferðir sé eðlilegar og að Líf sé að ráðast gegn gömlum jólahefðum. Hildur skrifaði einnig grein sem birtist í Fréttablaðinu í gær. Hægt er að horfa á Kastljósið í spilaranum hér að neðan. Heimild: RÚV

Jólahefð eða innræting?

Hildur Sverrisdóttir

Varaborgarfulltrúi VG, Líf Magneudóttir, stóð fyrir einkennilegu upphlaupi í síðustu viku þegar hún gagnrýndi að Langholtsskóli stæði fyrir hefðbundinni kirkjuferð á aðventunni. Hún sagði „algerlega ólíðandi að skólar hafi milligöngu um trúarinnrætingu barna.“Fyrir nokkrum misserum voru settar reglur bæði af hálfu ríkis og Reykjavíkurborgar, í báðum tilvikum með atbeina VG, um samskipti skóla og trúfélaga. Umrædd kirkjuferð rúmast vel innan þeirra reglna. Í reglum borgarinnar segir að heimsóknir í tilbeiðsluhús á skólatíma séu undir handleiðslu kennara og liður í fræðslu um trúarbrögð í samræmi við aðalnámskrá. Í viðmiðunum menntamálaráðuneytisins segir: „Heimsóknir í kirkjur í tengslum við stórhátíðir kristninnar telst hluti…

Fimm mál á dagskrá borgarstjórnar að frumkvæði Sjálfstæðisflokksins

Kjartan Magnússon í borgarstjórn

Síðasti borgarstjórnarfundur fyrir jól fer fram á morgun, þriðjudag, en á dagskrá fundarins liggja fyrir fimm liðir sem koma að frumkvæði Sjálfstæðisflokksins. Fundurinn hefst kl. 14:00 á morgun og er í beinni útsendingu hér. 1. Tillaga borgarfulltrúa allra flokka um griðasvæði hvala í Faxaflóa 2. Tillaga borgarfulltrúa Samfylkingar, Bjartrar framtíðar, Vinstri grænna og Pírata um samkeppni vegna Intercultural cities 3. Umræða um tillögu borgarfulltrúa Sjálfstæðisflokksins um reglur um ívilnandi lóðaúthlutanir án greiðslna fyrir byggingarrétt, sbr. 24. lið fundargerðar borgarráðs frá 4. desember 4. Umræða um stöðu tónlistarskólanna í Reykjavík (að beiðni borgarfulltrúa Sjálfstæðisflokksins) 5. Umræða um íþrótta- og æskulýðsmál í…

Skuldsetta Reykjavík

Halldór Halldórsson, oddviti Sjálfstæðisflokksins í Reykjavík

Fjárhagsáætlun Reykjavíkurborgar fyrir árið 2015 ásamt fimm ára áætlun fyrir borgarsjóð (A-hluta) og fyrirtæki borgarinnar (B-hluta) var samþykkt á borgarstjórnarfundi 2. desember af meirihluta borgarstjórnar. Samanlagt eru A- og B-hluti kallaðir samstæða borgarinnar. Fjárhagsáætlun gerir ráð fyrir jákvæðri útkomu samstæðunnar sem er eins gott því Reykjavíkurborg er mjög skuldsett sveitarfélag með skuldahlutfall 195% af tekjum ársins þegar hámarkið skv. sveitarstjórnarlögum er 150%. Lesendur hafa eflaust orðið varir við að fjögurra flokka vinstri meirihlutinn í Reykjavíkurborg stærir sig af góðum rekstri og að árangur hafi náðst. Vissulega hefur árangur náðst hvað samstæðuna varðar því Orkuveita Reykjavíkur vegur þar þyngst og það…

Sveigjanlegri þjónusta vegna þrifa

Borgarfulltrúar Sjálfstæðisflokksins

Í seinnu umræðu um fjárhagsáætlun borgarinnar lögðu borgarfulltrúar Sjálfstæðisflokksins fram tillögu um sveigjanleika í þjónustu vegna þrifa. Tillagan var svohljóðandi: Tilraun verði gerð með sveigjanlegri þjónustu velferðarsviðs vegna þrifa. Ef fólk vill sækja þrif annað en til velferðarsviðs skal gera því það kleift. Samningar verði með þeim hætti að greitt verði fyrir þær klukkustundir sem viðkomandi fékk metið að á þyrfti að halda hjá sviðinu. Greitt verði fyrir þær klukkustundir sem viðkomandi er í þörf fyrir samkvæmt mati sviðsins. Reiknað verði tímagjald á klukkustund út frá þeim kostnaði sem sviðið ber vegna sömu þjónustu. Þó aldrei lægra tímagjald en reiknað hefur verið vegna notendastýrðrar persónulegrar aðstoðar…

Styðja við dagforeldra

Borgarstjórn allir

Í seinnu umræðu um fjárhagsáætlun borgarinnar lögðu borgarfulltrúar Sjálfstæðisflokksins fram tillögu um að afnema fjárhagslegan hvata til að velja leikskóla fram yfir dagforeldra. Tillagan sem lögð var fram var svohljóðandi: Dagforeldrar eru mikilvægur hlekkur í þjónustu við barnafjölskyldur en stefna borgarinnar undanfarið kjörtímabil hefur hins vegar verið á þann veg að foreldrum er stýrt frá dagforeldrum og inn á leikskólana með gjaldskrám borgarinnar. Þetta er gert þrátt fyrir að þjónusta dagforeldra sé mun ódýrara úrræði en það að reka leikskóla. Fjárhagslegur hvati er því fyrir fjölskyldur yngstu barnanna að velja dýrasta úrræðið. Mjög mikill munur er á niðurgreiðslum með hverju…

Breytingar í velferðarþjónustunni eru óumflýjanlegar

Áslaug María Friðriksdóttir, borgarfulltrúi

Borgarfulltrúar Sjálfstæðisflokksins lögðu fram tuttugu breytingartillögur við fjárhagsáætlun borgarinnar fyrir árið 2015 á borgarstjórnarfundi í gær. Fjárhagsáætlunin var meginumræðuefni fundarins en var fundi slitið rétt yfir miðnætti. Breytingartillögurnar fjölluðu um umbætur í velferðarmálum í ljósi þess að óbreytt fyrirkomulag þjónustunnar mun ekki mæta þörfum íbúa í næstu framtíð. Nauðsynlegt sé að fjárfesta í nýsköpun, tækni og rannsóknum í velferðarmálum enda standi þjónustan á tímamótum. Áhersla var lögð á að hefja óumflýjanlegt breytingarferli í þjónustunni með því að hefja greiningarvinnu, gera tilraunaverkefni og flýta fyrir innleiðingu tæknilausna. „Nýsköpun er háð því að stjórnendur og starfsmenn hafi frelsi og getu til að…

Fjárveitingar til skólamötuneyta lækka

motuneyti

Fulltrúar Sjálfstæðisflokksins gera alvarlega athugasemd við fréttatilkynningu frá Reykjavíkurborg um nýsamþykkta fjárhagsáætlun 2015. Í fréttatilkynningunni er því ranglega haldið fram að framlag borgarinnar til hráefniskaupa í leik- og grunnskólum hækki um 56 milljónir króna frá fyrri áætlun. Í dag hafa margir fjölmiðlar notað þessa tilkynningu í fréttaflutningi sínum og stuðst við þær tölur sem þar koma fram. Hið rétta er að fjárveitingar til skólamötuneyta lækka um 28 milljónir á milli ára auk þess sem umrædd framlög eru ekki vísitölubætt eins og flestar aðrar fjárveitingar borgarinnar. Þrátt fyrir að á þetta hafi verið bent hér á fundinum hafa fulltrúar meirihluta Samfylkingar,…

Vantar nýja hugsun í rekstur borgarinnar

Halldór Halldórsson, oddviti Sjálfstæðisflokksins í Reykjavík

Á borgarstjórnarfundi í gær fór fram síðari umræða um fjárhagsáætlun. Ljóst er að aðalsjóður skilar hálfs milljarðs króna halla og útsvarið er áfram í hámarki. Halldór Halldórsson, oddviti borgarstjórnarhóps Sjálfstæðisflokksins, segir að það vanti nýja hugsun í rekstur borgarinnar. Borgarfulltrúar Sjálfstæðisflokksins bókuðu svohljóðandi undir fjárhagsáætlun:  „Hálfs milljarðs króna halli á aðalsjóði borgarinnar, útsvarið áfram í hæstu mögulegu hæðum og skortur á nýrri hugsun er einkenni á fyrstu fjárhagsáætlun meirihlutaflokkanna fjögurra í Reykjavík. Hallarekstur aðalsjóðs kemur í veg fyrir að eignasjóður borgarinnar geti staðið undir þeim verkefnum sínum að halda við eignum borgarinnar eins og sjá má á skólahúsnæði og öðru mikilvægu…