Hrun gatnakerfisins í borginni

Júlíus Vífill Ingvarsson, borgarfulltrúi

Á fundi umhverfis- og skipulagsráðs á miðvikudaginn spurðust fulltrúar Sjálfstæðisflokksins, þau Júlíus Vífill Ingvarsson og Herdís Anna Þorvaldsdóttir um hvernig yrði brugðist við þeirri bagalegu stöðu í gatnakerfi Reykjavíkurborgar. Segja þau að hrun hafi orðið í gatnamálum borgarinnar og víða eru hættur í umferðinni sem valda ökumönnum fjárhagslegu tjóni.

Tillagan sem þau lögðu fram á fundinum

Gatnakerfi borgarinnar er mjög illa farið. Víða eru djúpar holur í malbiki sem skapa hættur í umferðinni og valda ökumönnum fjárhagslegu tjóni. Ljóst er að staðan er verri en nokkur dæmi eru um og ekki verður hjá því komist að grípa til aðgerða án tafar enda virðist ástandið versna dag frá degi. Hvernig verður brugðist við?