Framlög til Sinfoníuhljómsveitarinnar

Borgarstjórn allir

Borgarfulltrúar Sjálfstæðisflokksins lögðu fram tillögu í borgarstjórn að framlag Reykjavíkurborgar til Sinfoníuhljómsveitarinnar verði breytt. Frá árinu 1982 hefur Reykajvíkurborg greitt 18% af rekstrarkostnaði Sinfoníuhljómsveitarinnar samkvæmt lögum. Borgarstjórn lýsir sig reiðubúinn til að styðja Sinfoníuhljómsveit Íslands en þó einungis 58% af núverandi framlagi enda muni önnur sveitarfélög á höfuðborgarsvæðinu greiða 42% af því framlagi sem Reykjavíkurborg hefur greitt til þessa. Tillaga borgarfulltrúa Sjálfstæðisflokksins er eftirfarandi: “Reykjavíkurborg greiðir 18% af rekstrarkostnaði Sinfóníuhljómsveitar Íslands samkvæmt lögum frá árinu 1982. Sinfóníuhljómsveitin er þjóðarhljómsveit sem hefur aðsetur í Hörpu. Íbúar höfuðborgarsvæðisins eru 211.000 en 42% þeirra búa í öðrum sveitarfélögum en í Reykjavík. Borgarstjórn lýsir…

Frelsi til að velja!

Borgarstjórn allir

Borgarfulltrúar Sjálftæðisflokksins lögðu fram tillögu í borgarstjórn þess efnis að skorað yrði á ríkið að rýmka reglur um hollustuhætti og matvæli. Þannig yrði það sveitarfélögin sem ákveða hvort leyfilegt sé að hafa dýr inná kaffihúsum, veitingastöðum og annars staðar. Tillagan var samþykkt af öllum borgarfulltrúm nema Framsókn og Flugvallarvina sem sátu hjá. Tillagan er eftirfarandi: „Borgarstjórn samþykkir að beina þeim tilmælum til ríkisvaldsins að rýmka reglur um hollustuhætti og matvæli svo það sé hverju sveitarfélagi í sjálfsvald sett hvernig það kýs að haga reglum um á hvaða stöðum sé leyfilegt að hafa dýr, svo sem á kaffihúsum, veitingastöðum, líkamsræktarstöðvum, samkomuhúsum…

Harður áfellisdómur

halldor_visir

Ömurleg niðurstaða í  nýrri skýrslu Innri end­ur­skoðunar Reykja­vík­ur­borg­ar um yf­ir­töku Strætó á ferðaþjónustu fatlaðs fólks kemur því miður ekki á óvart. Í skýrslunni kemur fram samkvæmt fjölmiðlum að stjórn­un breyt­ing­anna á ferðaþjón­ustu fatlaðs fólks eft­ir að hin raun­veru­lega innleiðing átti að hefjast hafi mis­far­ist verulega. Yf­ir­um­sjón með breyt­ing­un­um var ekki á hendi eins ákveðins aðila sem samræmdi alla fleti breyt­ing­anna, bæði þá sem sneru að not­end­um ferðaþjón­ust­unn­ar, starfs­mönn­um ferðaþjón­ustu fatlaðs fólks, starfs­mönn­um vel­ferðarsviða sveit­ar­fé­lag­anna og starf­semi Strætó bs. Þá kemur fram hörð gagnrýni á að starfsfólki með reynslu skuli hafa verið sagt upp og að byrjað hafi verið um áramót…

Viðvörunarljósin loga hjá vinstri meirihlutanum í borginni

Halldór Halldórsson, oddviti Sjálfstæðisflokksins í Reykjavík

Borgarstjórn Reykjavíkur samþykkti ársreikning borgarinnar fyrir árið 2014 við síðari umræðu á fundi sínum 12. maí. Reikningurinn sýnir mikið tap á A-hluta Reykjavíkurborgar þrátt fyrir að rekstrartekjur A-hluta vaxi um 2,3 milljarða króna milli 2013 og 2014. Útgjaldaaukning er 9,3 milljarðar á milli sömu ára þannig að tap aðalsjóðs er 7,1 milljarður króna og er bætt upp með jákvæðri afkomu Eignasjóðs og Bílastæðasjóðs þannig að niðurstaðan verður 2,8 milljarðar króna í tap. Borgin tapaði því tæpum átta milljónum króna hvern dag ársins 2014 eða sem nemur andvirði tveggja góðra fólksbíla daglega. Fjármálaskrifstofan varar við Í skýrslu Fjármálaskrifstofu borgarinnar segir um…

Rekstrartap A-hluta borgarinnar

Halldór Halldórsson, oddviti Sjálfstæðisflokksins í Reykjavík

Við vorum að ljúka borgarstjórnarfundi þar sem ársreikningur borgarinnar fyrir árið 2014 var til síðari umræðu og staðfestingar. Ársreikningur ársins 2014 sýnir 2,8 milljarða króna tap A-hluta Reykjavíkurborgar sem er öll meginstarfsemi Reykjavíkurborgar. Í skýrslu Fjármálaskrifstofu borgarinnar segir um þennan taprekstur að mikilvægt sé að bregðast við. Undir það taka borgarfulltrúar Sjálfstæðisflokksins með tillögu sinni um að farið verði í rekstrarhagræðingu og í framhaldi af árangri í því verði farið í lækkun útsvars í áföngum. Meirihlutinn samþykkti að vísa tillögunni til borgarráðs til úrvinnslu. Það var stutt af fulltrúum allra flokka í borgarstjórn. Á fundinum fór ég sérstaklega yfir þróun…

Verð Landsvirkjunnar 2006

Halldór Halldórsson, oddviti Sjálfstæðisflokksins í Reykjavík

Það er ánægjulegt að sjá að Landsvirkjun er að bæta stöðu sína jafnt og þétt. Í tengslum við ársfund talar forstjóri um að arðgreiðslur geti hugsanlega farið úr 1,5 milljörðum upp í jafnvel 20 milljarða. Þessar yfirlýsingar hafa orðið borgarstjóra tilefni til að rifja upp nærri 10 ára gamla ákvörðun um sölu borgarinnar á hlut sínum í Landsvirkjun. Hann segir að söluverð hafi verið of lágt á þeim tíma. Þessi ummæli hafa orðið til þess að ýmsir rifja upp að matsmenn allra eigenda fundu út verðið. Fyrir tæpum 10 árum var ekkert ljóst hvernig þróun Landsvirkjunar yrði og margir óvissuþættir…

Afturköllun framkvæmdarleyfis

Halldór og Júlíus Vífill

Borgarráðsfulltrúar Sjálfstæðisflokks lögðu fram tillögu um að framkvæmdarleyfi Valsmanna við Hlíðarenda verði dregið til baka tímabundið eða þar til þeir fyrirvarar sem innanríkisráðuneytið tilgreinir verði uppfylltir. En samkvæmt þeim þarf Samgöngustofa að ljúka umfjöllun sinni um áhrif lokunar á flugbraut 06/24 og að “Rögnunefndin” hafi lokið starfi sínu. Tillagan er eftirfarandi: Innanríkisráðuneytið hefur með bréfi dagsettu 17. apríl sl. skorað á Reykjavíkurborg að virða gildandi skipulagsreglur og stjórnsýslumeðferð. Bent er á að uppbygging á Valssvæðinu sé óheimil með vísan til laga um loftferðir. Borgarráðsfulltrúar Sjálfstæðisflokks leggja til að framkvæmdaleyfi á svæði Valsmanna við Hlíðarenda verði dregið til baka tímabundið eða…