Skoða bætt öryggi við Hringbraut

hringbraut

Í nóvember lögðu borgarfulltrúar Sjálfstæðisflokksins til að gripið yrði til aðgerða í því skyni að tryggja börnum og ungmennum örugga gönguleið yfir Hringbraut á kaflanum milli Melatorgs og Grandatorgs. Gerði tillagan ráð fyrir því að skoðaðir yrðu tiltækir kostir varðandi göngubrú annars vegar og undirgöng hins vegar og æskilegt staðsetning slíkra mannvirkja metin út frá gönguleiðum barna og ungmenna yfir Hringbraut. Á síðasta fundi umhverfis- og skipulagsráðs samþykktu fulltrúar Samfylkingar, Bjartrar framtíðar og Vinstri grænna umsögn þar sem umræddri tillögu er í raun hafnað með þeim rökstuðningi að þrengsli komi í veg fyrir göngubrú eða undirgöng á þessum stað. Kjartan…

Sorphirða óviðunandi í desember

Sorphirda

Á fundi umhverfis- og skipulagsráðs í gær lögðu fulltrúar Sjálfstæðisflokksins fram fyrirspurn varðandi sorphirðu í borginni. Sorphirða í borginni hefur verið óviðunandi í hverfum borgarinnar í desembermánuði og hefur það skapað mikil óþægindi og óþrifnað. Fulltrúar Sjálfstæðisflokksins óskuðu eftir upplýsingum um hvernig var staðið að sorphirðu í desember og hvernig stæði á því að ekki væri haldið uppi reglubundinni sorphirðu. Júlíus Vífill Ingvarsson og Áslaug María Friðriksdóttir, borgarfulltrúar sitja í umhverfis- og skipulagsráði.

Sveigjanlegri þjónusta vegna þrifa

Borgarfulltrúar Sjálfstæðisflokksins

Í seinnu umræðu um fjárhagsáætlun borgarinnar lögðu borgarfulltrúar Sjálfstæðisflokksins fram tillögu um sveigjanleika í þjónustu vegna þrifa. Tillagan var svohljóðandi: Tilraun verði gerð með sveigjanlegri þjónustu velferðarsviðs vegna þrifa. Ef fólk vill sækja þrif annað en til velferðarsviðs skal gera því það kleift. Samningar verði með þeim hætti að greitt verði fyrir þær klukkustundir sem viðkomandi fékk metið að á þyrfti að halda hjá sviðinu. Greitt verði fyrir þær klukkustundir sem viðkomandi er í þörf fyrir samkvæmt mati sviðsins. Reiknað verði tímagjald á klukkustund út frá þeim kostnaði sem sviðið ber vegna sömu þjónustu. Þó aldrei lægra tímagjald en reiknað hefur verið vegna notendastýrðrar persónulegrar aðstoðar…

Styðja við dagforeldra

Borgarstjórn allir

Í seinnu umræðu um fjárhagsáætlun borgarinnar lögðu borgarfulltrúar Sjálfstæðisflokksins fram tillögu um að afnema fjárhagslegan hvata til að velja leikskóla fram yfir dagforeldra. Tillagan sem lögð var fram var svohljóðandi: Dagforeldrar eru mikilvægur hlekkur í þjónustu við barnafjölskyldur en stefna borgarinnar undanfarið kjörtímabil hefur hins vegar verið á þann veg að foreldrum er stýrt frá dagforeldrum og inn á leikskólana með gjaldskrám borgarinnar. Þetta er gert þrátt fyrir að þjónusta dagforeldra sé mun ódýrara úrræði en það að reka leikskóla. Fjárhagslegur hvati er því fyrir fjölskyldur yngstu barnanna að velja dýrasta úrræðið. Mjög mikill munur er á niðurgreiðslum með hverju…

Breytingar í velferðarþjónustunni eru óumflýjanlegar

Áslaug María Friðriksdóttir, borgarfulltrúi

Borgarfulltrúar Sjálfstæðisflokksins lögðu fram tuttugu breytingartillögur við fjárhagsáætlun borgarinnar fyrir árið 2015 á borgarstjórnarfundi í gær. Fjárhagsáætlunin var meginumræðuefni fundarins en var fundi slitið rétt yfir miðnætti. Breytingartillögurnar fjölluðu um umbætur í velferðarmálum í ljósi þess að óbreytt fyrirkomulag þjónustunnar mun ekki mæta þörfum íbúa í næstu framtíð. Nauðsynlegt sé að fjárfesta í nýsköpun, tækni og rannsóknum í velferðarmálum enda standi þjónustan á tímamótum. Áhersla var lögð á að hefja óumflýjanlegt breytingarferli í þjónustunni með því að hefja greiningarvinnu, gera tilraunaverkefni og flýta fyrir innleiðingu tæknilausna. „Nýsköpun er háð því að stjórnendur og starfsmenn hafi frelsi og getu til að…

Fjárfestum í nýsköpun og velferðartækni

Áslaug María Friðriksdóttir, borgarfulltrúi

Eitt brýnasta mál Reykjavíkurborgar nú er að fjárfesta í nýsköpun, rannsóknum og innleiðingu tækni í velferðarmálum í Reykjavík. Verkefnum velferðarþjónustunnar fjölgar því fyrirséð er mikil fjölgun notenda og þar eru aldraðir stærsti hópurinn. Fyrirkomulagið sem rekið er í dag mun ekki geta mætt þörfum íbúa inn í næstu framtíð. Mikilvægt er að hefja óumflýjanlegt breytingaferli, búa til jarðveg fyrir nýsköpun í þjónustunni og fjárfesta í tæknilausnum og rannsóknum. Við sjálfstæðismenn óskuðum eftir umræðu um þetta mál í borgarstjórn á dögunum enda teljum við að ástandið sé orðið þannig að ekki verði beðið lengur með að fara af stað með verkefni…

Gleymum ekki atvinnulífinu

reykjavik_husnaedi_mynd2

Húsnæðisuppbygging Reykjavíkurborgar var tekin til umræðu á borgarstjórnarfundi í gær. Halldór Halldórsson, borgarfulltrúi Sjálfstæðisflokksins, gagnrýndi að ekki sé meira tillit tekið til atvinnulífsins og að meirihlutinn sé að gleyma atvinnulífinu, eingöngu sé einblínt á lóðir fyrir íbúðarhúsnæði en skortur er á lóðum fyrir atvinnulífið. Það er eingöngu einblínt á lóðir fyrir íbúðarhúsnæði sem er mikilvægt en það þarf að sinna atvinnulífinu líka því atvinnulífið er grunnurinn að búsetu og lífsgæðum í borginni. Hann talaði einnig um að stærri hópur vildi eiga sitt húsnæði og það væri mjög mikilvægt að stuðla að því að fólk geti keypt húsnæði á sómasamlegu verði. Fólk…

Hlíðarendinn samþykktur

hlidarendabyggd.is

Hið umdeilda deiliskipulag við Hlíðarenda var samþykkt í umhverfis- og skipulagsráði í gær. Fulltrúar Sjálfstæðisflokksins í ráðinu greiddu atkvæði gegn skipulaginu til að virða þá þverpólitísku sátt Reykjavíkurborgar, Innanríkisráðuneytisins og Icelandair varðandi Rögnunefndina sem hefur það verkefni að finna framtíðarstaðsetningu fyrir innanlandsflugvöll á höfuðborgarsvæðinu. Ekki fannst þeim tímabært að skipuleggja svæði með óafturkræum hætti þegar óvissa ríkir að þessu leyti. Nefndin hefur nýlega greint frá þeim fimm mögulegu flugvallarstæðum sem hún hefur nú til skoðunar og er Vatnsmýrin eitt af þeim. Rögnunefndin, eins og hún hefur verið kölluð, er enn að störfum og hefur formaður hennar óskað eftir svigrúmi til…

Heimsóttu Kaffihús Vesturbæjar

halldor_aslaug

Borgarfulltrúar Sjálfstæðisflokksins heimsóttu nýtt kaffihús í Vesturbænum, Kaffihús Vesturbæjar, eftir borgarstjórnarfund í síðustu viku. Kaffihús Vesturbæjar er staðsett á Hofsvallagötu við hliðiná Gamla Apótekinu í Vesturbæ. Kaffihúsið sem Vesturbæingar hafa vel fagnað lýtur mjög vel út og eru fyrstu dagar þess vel sóttir samkvæmt því sem við heyrum. Gísli Marteinn Baldursson, fyrrverandi borgarfulltrúi Sjálfstæðisflokksins, er einn þeirra sem stendur á bakvið kaffihúsið. Matseðillinn var því miður ekki tilbúinn þegar við mættum á svæðið en drykkirnir voru góðir. @xdreykjavik Og hvað? Á ekkert að gefa neina einkunn? — Kaffihús Vesturbæjar (@kaffivest) October 7, 2014 @kaffivest Frábærir drykkir. Bíðum spennt eftir matseðlinum. —…

Farið yfir málin á fundi Varðar

Lok fundar

Vörður, fulltrúaráð Sjálfstæðisflokksins í Reykjavík, hélt fund með borgar- og varaborgarfultrúum Sjálfstæðisflokksins á þriðjudaginn sl. í Valhöll. Fulltrúarnir fengu öll stutta framsögu og af því loknu svöruðu þeir spurningum fundarmanna. Óttarr Guðlaugsson, formaður Varðar, stýrði fundinum. Halldór fór vel yfir þau helstu mál sem við höfum talað fyrir á síðustu borgarstjórnarfundum og í borgarráði. Fundurinn gekk mjög vel og var mikil og góð samstaða sem ríkti milli fundarmanna og borgarfulltrúanna. Borgarfulltrúarnir halda nú norður á Akureyri á Landsþing Sambands íslenskra sveitafélaga en Halldór er einmitt formaður sambandsins. Hér að neðan eru nokkrar myndir af fundinum.