Tap á aðalsjóði Reykjavíkurborgar jafn hátt og heildartekjur Mosfellsbæjar

Borgarstjórn allir

Í dag 28. apríl var ársreikningur Reykjavíkurborgar lagður fram til fyrri umræðu í borgarstjórn. Mikið tap er á A-hluta Reykjavíkurborgar eða 2,8 milljarðar króna og það þrátt fyrir að rekstrartekjur hafi aukist um 2,3 milljarða króna á milli áranna 2013 og 2014. En tap aðalsjóðs er 7,1 milljarður króna. Er þetta tap bætt upp með jákvæðri afkomu Eignasjóðs og Bílastæðasjóðs þannig að tapið verður 2,8 milljarðar. Halldór Halldórsson sagði í ræðu sinni í dag að um sláandi tölur væri að ræða og eitthvað mikið væri að í rekstri Reykjavíkurborgar. En ef rekstur A- hluta Reykjavíkurborgar er skoðaður, má sjá að…

Er meirihlutinn að hafna aðkomu foreldra að ráðningu skóla- og leikskólastjóra?

Halldór og Júlíus Vífill

Á borgarráðsfundi þann 7. apríl síðastliðinn lögðu borgarráðsfulltrúar Sjálfstæðisflokksins þeir Halldór Halldórsson og Júlíus Vífill Ingvarsson fram tillögu þar sem foreldrafélagi og skólaráði/foreldraráði yrði gefinn kostur á virku samráði við ráðningu skóla- og leikskólastjóra. Einnig að gefa viðkomandi foreldrafélagi og skólaráði/foreldraráði kost á að hitta þá umsækjendur, sem metnir hafa hæfastir og fá að kynnast þeirra sýn á starfinu. Tillagan var felld með fjórum atkvæðum borgarráðsfulltrúa Sf, Bf, Vg og Pírata gegn tveimur atkvæðum borgarráðsfulltrúa Sjálfstæðisflokks. Borgarráðsfulltrúi Framsóknar og flugvallarvina sat hjá við atkvæðisgreiðslu. Borgarráðsfulltrúar Sjálfstæðisflokksins lögðu fram svohljóðandi bókun: Við hörmum að fulltrúar Samfylkingar, Bjartrar framtíðar, Vinstri grænna og Pírata…

Tillaga Sjálfstæðismanna vegna þrengingar Grensásvegar

Halldór og Júlíus Vífill

Borgarráðsfulltrúar Sjálfstæðisflokksins lögðu fram að nýju tillögu um að hætt verði við þrengingu Grensásvegar á borgarráðsfundi á fimmtudaginn sl. Jafnframt var lögð fram umsögn umhverfis- og skipulagssviðs. Tillagan var felld með 4 atkvæðum borgarráðsfulltrúa Samfylkingarinnar, Bjartrar framtíðar, Vinstri grænna og Pírata gegn 3 atkvæðum Sjálfstæðisflokks og Framsóknar og Flugvallarvina. Borgarráðsfulltrúar Sjálfstæðisflokksins leggjast eindregið gegn þrengingu Grensásvegar. Telja þeir að þeim fjármunum, eða hátt á annað hundrað milljónum sé betur varið í önnur og brýnni verkefni. Þrenging Grensásvegar er ekki byggð á neinum gögnum eins og umferðartalningu, hraðamælingum, umferðargreiningu eða öryggissjónarmiðum. En auðvelt er að tryggja öryggi gangandi og hjólandi vegfarenda…

Íbúafundur einungis til sýnis?

Halldór og Júlíus Vífill

Borgarfulltrúar Sjálfstæðisflokks í umhverfis- og skipulagsráði borgarinnar lögðu það til í nóvember á síðasta ári að efnt yrði til víðtæks samráðs meðal íbúa og hagsmunaaðila um þrengingu Grensásvegar.  Meirihluti borgarstjórnar varð svo við því á fimmtudaginn í síðustu viku að halda opinn íbúafund enda málið mjög umdeilt. Áætlaður kostnaður framkvæmdarinnar eru 160 milljónir. Athygli hefur vakið að þegar dagskrá umhverfis- og skipulagsráðs var lögð fram á mánudaginn var þrenging Grensásvegar þar á dagskrá þrátt fyrir að á fundinum hafi fundargestir verið fullvissaðir um að málið væri enn í vinnslu og fólk hvatt til að koma með athugasemdir og hugmyndir. Borgarráðsfulltrúar…

Hraða þarf viðhald gatna

hringbraut

Borgarráðsfulltrúar Sjálfstæðisflokksins, þeir Halldór Halldórsson og Júlíus Vífill Ingvarsson lögðu til á borgarráðsfundi í gær að allri vinnu við undirbúning viðhalds gatna verði hraðað eins og mögulegt er. Útboðum verði hraðað þannig að hægt verði að hefja malbikun eigi síðar en í maí. Tillagan var svohljóðandi: Miðað við það fjármagn sem ákveðið hefur verið í malbikun gatna sumarið 2015 að meðtöldum 150 m.kr. sem bætt var við eða alls 690 m.kr. dugir það til viðhalds á 13,4 km. miðað við meðalverð ársins 2014 á hvern kílómetra. Þörfin fyrir malbikun gatna er að lágmarki 15 km. á ári og uppsöfnuð þörf verður…

Vilja merkingar á götur borgarinnar

vidvorunarskilti

Á borgarráðsfundi á fimmtudaginn sl. lögðu Halldór Halldórsson og Kjartan Magnússon, borgarfulltrúar Sjálfstæðisflokksins til að teknar verði upp merkingar til bráðabirgða á götum Reykjavíkur til að vara við hættulegum holum vítt og breitt um borgina. Strax verði gripið til þessara ráðstafana því mikið eignatjón hefur orðið nú þegar. Tillögunni var frestað á fundinum.

Gatnakerfið er óviðunandi

frettabladid_slaemgata_raudararstigur

Á borgarráði á miðvikudaginn sl. var samþykkt að auka fjárveitingu til malbiksframkvæmda um allt að 150 milljónir króna. Borgarráðsfulltrúar Sjálfstæðisflokksins á fundinum, þeir Halldór Halldórsson og Kjartan Magnússon lögðu fram svohljóandi bókun: Stefna sem tekin var upp á fyrsta fjárhagsári Samfylkingar og Bjartrar framtíðar/Besta flokksins þar sem dregið var verulega úr framlögum til malbiksframkvæmda hefur skilað sér í ástandi gatna sem er óviðunandi. Í dag er staðan sú að venjulegt viðhald dugir ekki, heldur þarf átak sem mun kosta borgarbúa miklu meira en ef árlegt viðhald hefði verið eðlilegt á kjörtímabili Samfylkingar og Besta flokks sem lækkaði framlög til viðhalds…

Vilja skoða starfsemi Þorrasels

thorrasel

Á fundi borgarráðs á fimmtudaginn kölluðu þeir Halldór Halldórsson og Júlíus Vífill Ingvarsson, borgarráðssfulltrúar Sjálfstæðisflokksins eftir upplýsingum um breytingar á starfseminni í Þorraseli. Borgarráðsfulltrúar Sjálfstæðisflokksins vilja upplýsingar um það hvort meirihlutinn í Reykjavík ætli að koma í gegn einhliða breytingum án samráðs við íbúa á starfseminni í Þorraseli þar sem stendur til að breyta starfseminni í skrifstofuhúsnæði fyrir samþættingu heimaþjónustu, sem er allt annars eðlis en félagsstarfsemi aldraðra eða dagdeild sem til var stofnað við úthlutun byggingarréttarins árið 1991 og hefur síðan verið í framkvæmd. Íbúar að Þorragötu 5-7-9 hafa haft ástæðu til að treysta á að sú starfsemi sem…

Viljum laga götur í ólagi

halldor_visir

Halldór Halldórsson, oddviti Sjálfstæðisflokksins í Reykjavík sat fyrir svörum í Reykjavík síðdegis á Bylgjunni í gær um ástand gatna í borginni.

Vilja hætta við þrengingu Grensásvegar

Halldór og Júlíus Vífill

Á borgarráðsfundi í gær lögðu borgarráðsfulltrúar Sjálfstæðisflokksins, þeir Halldór Halldórsson og Júlíus Vífill Ingvarsson fram tillögu þess efnis að hætt verði við þrenginu Grensásvegar á milli Miklubrautar og Bústaðarvegar en áætlaður kostnaður við framkvæmdina nema 160 milljónum króna. Umhverfis- og skipulagsráð samþykkti á fundi sínum í gær að leggja til við borgarráð að setja 150 milljónir krónur umfram fjárhagsáætlun í malbiksviðgerðir vegna þess hversu malbik á götum borgarinnar er illa farið. Ráðið lagði ekki til með hvaða hætti spara má á móti þessu aukaframlagi. Borgarráðsfulltrúar Sjálfstæðisflokks leggja því til að það verði gert með þessum hætti.