Spyrja um aðgengi að farsímanotkun

Halldór og Júlíus Vífill

Á borgarráðsfundi á fimmtudaginn báru þeir Halldór Halldórsson og Júlíus Vífill Ingvarsson, borgarráðsfulltrúar Sjálfstæðisflokksins þá spurningu upp um hvort að starfsmönnum borgarinnar hefðu aðgengi að farsímanotkun kjörinna fulltrúa. Fyrirspurn Sjálfstæðisflokksins Borgarráðsfulltrúar Sjálfstæðisflokksins óska eftir upplýsingum um hverjir hafi aðgang að upplýsingum um farsímanotkun kjörinna fulltrúa og starfsmanna Reykjavíkurborgar og hvernig sé farið með slíkt. Hvaða aðili innan borgarinnar hefur aðgang að mínum síðum og/eða fyrirtækjasíðum Vodafone og getur þannig fylgst með öllum farsímum sem skráðir eru hjá borginni. Er starfsmönnum kynnt að upplýsingar um notkun séu aðgengilegar? Ef svo er hvernig á sú kynning sér stað?

Hver á að axla ábyrgð á ferðaþjónustu fatlaðra?

FundurSjalfsbjargar

Borgarstjóri og aðrir fulltrúar meirihluta borgarstjórnar hafa síður en svo axlað ábyrgð á því sem farið hefur úrskeiðis í málefnum ferðaþjónustu fatlaðra á undanförnum mánuðum. Strax á fyrstu dögum ársins kom í ljós alvarlegur þjónustubrestur hjá ferðaþjónustu fatlaðra í kjölfar breytinga, sem gerðar voru á starfsemi hennar um áramótin. Rætt var ítarlega um málið á borgarstjórnarfundi 20. janúar og lögð fram tillaga Framsóknar og flugvallarvina um tafarlausa skipun tímabundins aðgerðahóps til að leysa það vandamál sem Strætó bs. stendur frammi fyrir varðandi ferðaþjónustu fatlaðra. Meirihlutinn vísaði tillögunni til nefndar. Skilaboð borgarstjóra og formanns borgarráðs á fundinum voru þau að unnið…

Óskýr svör Strætó

ferdathjonustafatladra

Á fundi borgarráðs 15. janúar sl. báðu borgarráðsfulltrúar Sjálfstæðisflokksins um svör við átta spurningum sem varða ferðaþjónustu fatlaðra. Á fundi borgarráðs á fimmtudaginn sl. fengust loksins svör við þeim spurningum en þóttu svörin ekki vera fullnægjandi að mati borgarráðsfulltrúa Sjálfstæðisflokksins. Svör Strætó 1. Hvaða tölvukerfi var tekið upp hjá Strætó bs. til að sinna þessu verkefni? Nous DR frá fyrirtækinu Trapeze 2. Var þetta keypt sem staðlað kerfi eða er þetta sérsmíðað og þá af hverjum? Staðlað kerfi. 3. Var sú þjónusta boðin út? Nei, enda undir viðmiðunarmörkum bæði skv. reglugerð stofnana sem annast vatnsveitu, orkuveitu, flutninga og fjarskipti, og innkaupastefnu…

Engin svör borist

Halldór á RÚV

Borgarfulltrúar Sjálfstæðisflokksins hafa enn engin svör fengið við spurningu um ferðaþjónustu fatlaðra sem lögð var fram þann 15. janúar síðastliðinn. Fyrirspurnin var í átta liðum um undirbúning breytinga á fyrirkomulagi ferðaþjónustu fatlaðra og hvernig kaupum á tölvukerfi var háttað. „Það hefur gengið mjög illa að fá svör við spurningum innan kerfisins. Maður hefði haldið að það hefði gefist tími til að svara þessum spurningum okkar. Auðvitað er forgangsmál að ná tökum á því ófremdarástandi sem ríkir í ferðaþjónusta fatlaðra, en við teljum að svör við spurningum okkar gætu verið liður í því að skilja vandann betur,“ segir Halldór Halldórsson, oddviti…

Halldór á Sprengisandi

Halldór Halldórsson, oddviti Sjálfstæðisflokksins í Reykjavík

Halldór Halldórsson, oddviti borgarstjórnarhóps Sjálfstæðisflokksins var gestur Sigurjóns M. Egilsonar í Sprengisandi á Bylgjunni í gær. Sveinbjörg Birna Sveinbjörrnsdóttir, oddviti borgarstjórnarhóps Framsóknar- og flugvallarvinar og S. Björn Blöndal, oddviti borgarstjórnarhóps Bjartrar Framtíðar voru einnig í settinu. Hægt er að hlusta á viðtalið hér að neðan.

„Þetta er alveg rosalegt“

Halldór Halldórsson, oddviti Sjálfstæðisflokksins í Reykjavík

„Þetta er alveg rosalegt“ segir Halldór Halldórsson, oddviti Sjálfstæðisflokksins í Reykjavík. „Það er eitthvað mikið að því kerfi sem sett var upp og hefur hlotið mjög mikla gagnrýni. Maður á ekki nógu sterk orð til að lýsa því hversu hræðilegt þetta hefur verið fyrir Ólöfu Þorbjörgu“, bætir Halldór við í Facebook uppfærslu í gærkvöldi. Mikil umræða hefur skapast um mál Ólafar Þorbjörgu en hún var skilin eftir í bíl ferðaþjónustu fatlaðra í sjö klst í gær. Borgarráðsfulltrúar Sjálfstæðisflokksins bókuðu um málið í borgarráði í dag.

Staða ferðaþjónustu fatlaðra grafalvarleg

ferdathjonustafatladra

Á fundi borgarráðs var samþykkt samhljóða að neyðarstjórn yrði skipuð yfir ferðaþjónustu fatlaðra undir forystu Stefáns Eiríkssonar sviðsstjóra velferðarssviðs Reyjavíkurborgar. Hlutverk stjórnarinnar er að tryggja örugga og eðlilega þjónustu og framkvæmd ferðaþjónustu fatlaðra eins fljótt og kostur er. Stjórnin hafi fullt umboð til að gera þær breytingar sem hún telur nauðsynlegar til að bæta úr í þjónustu og framkvæmd og hafi jafnframt fullt umboð til að gera tillögur að grundvallarbreytingum á fyrirkomulagi eða framkvæmd þjónustunnar til framtíðar. Er þetta gert í kjölfar þess að ung þroskaskert kona fannst týnd í einum bíl ferðaþjónustu fatlaðra eftir að hafa setið þar inni…

Vond niðurstaða fyrir íbúa Reykjavíkur

Halldór Halldórsson, oddviti Sjálfstæðisflokksins í Reykjavík

Á borgarstjórnarfundi 3. febrúar sl. ræddi borgarstjórn um þjónustukönnun Capacent sem sýnir að borgarbúar eru óánægðastir allra íbúa þeirra 19 sveitarfélaga sem borin eru saman. Capacent hefur framkvæmt þessa könnun í allmörg ár þannig að samanburður er töluverður en því miður hefur Reykjavíkurborg komið illa út úr þessari könnun alltof oft og alltof lengi. Reykjavíkurborg lendir í þessari nýjustu könnun í neðsta sæti þegar spurt er um þjónustu sveitarfélaga í heild sinni. Borgin var í neðsta sæti af sveitarfélögunum þegar spurt var út í þjónustu við barnafjölskyldur, þjónustu grunnskóla, þjónustu leikskóla, þjónustu við eldri borgara og þjónustu við fatlað fólk….

Reykjavíkurborg langneðst í þjónustukönnun Capacent

halldor_borgarstjorn0302

Veigamikil þjónustukönnun sem Capacent gerði á þjónustuþáttum stærstu sveitarfélagana var til umræðu í borgarstjórn í dag. Niðurstaða könnuninnar eru gríðarleg vonbrigði fyrir Reykjavíkurborg. Á fundi borgarstjórnar í gær fóru fram líflegar umræður um þjónustukönnunina. Borgarfulltrúar Sjálfstæðisflokksins bókuðu svohljóðandi um málið: Þegar spurt er um þjónustu við barnafjölskyldur, eldri borgara og fatlað fólk lendir Reykjavíkurborg í neðsta sæti í samanburði við 19 stærstu sveitarfélög landsins. Sömuleiðis lendir höfuðborgin í neðsta sæti þegar spurt er um þjónustu grunnskóla, leikskóla,  sorphirðu og aðstöðu til íþróttaiðkunar. Þetta er niðurstaða þjónustukönnunar sem byggir á spurningum sem lagðar voru fyrir borgarbúa og íbúa annarra sveitarfélaga. Reykjavíkurborg lendir einnig í…

Reglur gegn öryggi og fræðslu

Halldór Halldórsson, oddviti Sjálfstæðisflokksins í Reykjavík

Að undanförnu hefur verið umræða um að reglur Reykjavíkurborgar koma í veg fyrir að grunnskólabörn megi fá reiðhjólahjálma að gjöf og að kynning á tannhirðu frá Tannlæknafélagi Íslands sé ekki heimil. Af þessu tilefni lögðum við borgarráðsfulltrúar Sjálfstæðisflokksins eftirfarandi tillögu fram í borgarráði 22. janúar sl. Tillögunni var frestað en mun vonandi fá eðlilega málsmeðferð af hálfu meirihlutans. Það er mikilvægt að endurskoða þessar undarlegu reglur. Tilagan: ,,Reglur um kynningar í skólum þarf að endurskoða með tilliti til þeirrar reynslu sem safnast hefur frá því þær voru settar haustið 2013. Reglurnar hafa reynst of þröngar og hafa komið í veg…