Leggja til að Stjórnkerfis- og lýðræðisráð verði lagt niður

Hildur Sverrisdóttir

Í dag 19. október lögðu fulltrúar Sjálfstæðisflokks í Stjórnkerfis- og lýðræðisráði aftur fram tillögu frá 5. október um að ráðið yrði lagt niður. En tillagan var felld með fjórum atkvæðum Bjartrar framtíðar, Pírata og Samfylkingar gegn tveimur atkvæðum Sjálfstæðismanna. Sjálfstæðismenn lögðu svo fram eftirfarandi bókun: Fulltrúar Sjálfstæðisflokksins í stjórnkerfis- og lýðræðisráði harma að ekki hafi verið samþykkt tillaga þeirra um að leggja ráðið niður. Ekki er efast um að góður hugur fylgir öllum þeim ráðum og nefndum sem ráðist sé í að stofna og halda úti. Hins vegar verður að meta árangur þeirra miðað við kostnaðinn þar sem ekki er…

700 þúsund króna tap á klst

Mbl.is ræddi við Hildi Sverrisdóttur, varaborgarfulltrúa um slæma afkomu borgarinnar en árshlutauppgjör Reykjavíkurborgar var birt í borgarráði á fimmtudaginn sl. „Þó það sé freist­andi í póli­tík að taka ekki á vand­an­um og gera allskon­ar skemmti­lega hluti. Eins fal­lega og þeir hljóma. Það er bara óá­sætt­an­legt,“ segir Hildur í viðtalinu.

Katrín, leiguþakið lekur

Hildur Sverrisdóttir

Katrín Jakobsdóttir, formaður VG, vill setja þak á leiguverð. Slíkt hljómar eflaust vel í eyrum margra en er samt ágætt dæmi um hljómfagra skyndilausn sem síðar verður að bjarnargreiða. Það er ófremdarástand á húsnæðismarkaði, sérstaklega fyrir ungt fólk. Vandamálið er fyrst og fremst skortur á framboði húsnæðis sem þrýstir upp verði. Það er þekkt í stjórnmálasögu heimsins að gripið sé til lausna á borð við leiguþak þegar slíkur vandi steðjar að. Það er ekki mannvonska eða skeytingarleysi að gjalda varhug við slíkum inngripslausnum nú, heldur hefur reynslan af þeim einfaldlega verið slæm. Leiga undir markaðsverði eykur á grunnvandann í staðinn…

Framlög til Sinfoníuhljómsveitarinnar

Borgarstjórn allir

Borgarfulltrúar Sjálfstæðisflokksins lögðu fram tillögu í borgarstjórn að framlag Reykjavíkurborgar til Sinfoníuhljómsveitarinnar verði breytt. Frá árinu 1982 hefur Reykajvíkurborg greitt 18% af rekstrarkostnaði Sinfoníuhljómsveitarinnar samkvæmt lögum. Borgarstjórn lýsir sig reiðubúinn til að styðja Sinfoníuhljómsveit Íslands en þó einungis 58% af núverandi framlagi enda muni önnur sveitarfélög á höfuðborgarsvæðinu greiða 42% af því framlagi sem Reykjavíkurborg hefur greitt til þessa. Tillaga borgarfulltrúa Sjálfstæðisflokksins er eftirfarandi: “Reykjavíkurborg greiðir 18% af rekstrarkostnaði Sinfóníuhljómsveitar Íslands samkvæmt lögum frá árinu 1982. Sinfóníuhljómsveitin er þjóðarhljómsveit sem hefur aðsetur í Hörpu. Íbúar höfuðborgarsvæðisins eru 211.000 en 42% þeirra búa í öðrum sveitarfélögum en í Reykjavík. Borgarstjórn lýsir…

Tap á aðalsjóði Reykjavíkurborgar jafn hátt og heildartekjur Mosfellsbæjar

Borgarstjórn allir

Í dag 28. apríl var ársreikningur Reykjavíkurborgar lagður fram til fyrri umræðu í borgarstjórn. Mikið tap er á A-hluta Reykjavíkurborgar eða 2,8 milljarðar króna og það þrátt fyrir að rekstrartekjur hafi aukist um 2,3 milljarða króna á milli áranna 2013 og 2014. En tap aðalsjóðs er 7,1 milljarður króna. Er þetta tap bætt upp með jákvæðri afkomu Eignasjóðs og Bílastæðasjóðs þannig að tapið verður 2,8 milljarðar. Halldór Halldórsson sagði í ræðu sinni í dag að um sláandi tölur væri að ræða og eitthvað mikið væri að í rekstri Reykjavíkurborgar. En ef rekstur A- hluta Reykjavíkurborgar er skoðaður, má sjá að…

Tillaga um bólusetningar felld

Hildur Sverrisdóttir

Til­laga borg­ar­full­trúa Sjálf­stæðis­flokks­ins, um að börn sem fengju inn­göngu í leik­skóla borgarinnar yrðu að vera bólu­sett nema lækn­is­fræðileg­ar ástæður hömluðu því, var felld á fundi borg­ar­stjórn­ar í dag með 9 at­kvæðum meiri­hlut­ans gegn 4 at­kvæðum borg­ar­full­trúa Sjálf­stæðis­flokks­ins. Fulltrúar Framsóknar og flugvallarvina sátu hjá. Samþykkt var hins veg­ar tillaga meirihlutans um að farið yrði í áhættumat vegna smit­sjúk­dóma. Borgarfulltrúar Sjálfstæðisflokksins harma að meirihlutinn hafi hafnað tillögu þeirra um að skóla- og frístundasviði verði falið að skoða hvernig best er hægt að útfæra aðgerðir til að tryggja að inngöngu í leikskóla Reykjavíkur fái eingöngu þau börn sem bólusett hafa verið við smitsjúkdómum, nema læknisfræðilegar…

Verður breyting á borgarstjórnarfundum?

Hildur Sverrisdóttir

Á borgarstjórnarfundi á þriðjudaginn lagði Hildur Sverrisdóttir, varaborgarfulltrúi Sjálfstæðisflokksins fram tillögu þess efnis að taka skal upp óundirbúnar fyrirspurnir borgarstjóra líkt og tíðkast á Alþingi í óundirbúnum fyrirspurrnum ráðherra. Hildur sagði á fundinum að það væri gríðarlega mikilvægt fyrir minnihlutann í borgarstjórn að hann hafi færi á sinna eftirlitshlutverki sínu eins og kostur er. Það sé mikilvægt að minnihlutinn geti treyst á ramma þar sem hægt er að hafa beinan aðgang að æðsta embættismanni borgarinnar með spurningar sem borgarstjóri verði að svara. Slíkt myndi bæta samtal á milli meiri- og minnihluta á skýran og gagnsæjan hátt og með því væru…

Óundirbúnar fyrirspurnir í borgarstjórn?

Hildur Sverrisdóttir

Hildur Sverrisdóttir, varaborgarfulltrúi Sjálfstæðisflokksins, mun leggja fram tillögu á borgarstjórnarfundi í dag um að taka upp óundirbúnar fyrirspurnir í borgarstjórn, en óundirbúnar fyrirspurnir til ráðherra eru fastur liður í dagskrá Alþingis. „Hugsunin á bak við tillöguna er sú að minnihlutinn í borginni, eins og alþingismenn, geti ræktað eftirlitshlutverk sitt gagnvart framkvæmdavaldinu,“ segir Hildur í samtali við Vísi.is. Hildur segir að verklag í kringum borgarstjórnarfundi mjög stíft. Til að mynda þurfa allar tillögur sem leggja á fram á fundi á þriðjudegi að liggja fyrir á föstudagsmorgni. Það sé því ekki svigrúm til að ræða málefni dagsins á fundunum þar sem kerfið komi…

Skipun fulltrúa í ráð og nefndir borgarinnar skoðaðar

Hildur Sverrisdóttir

Borgarfulltrúar Sjálfstæðisflokksins lögðu fram tillögu á borgarstjórnarfundi í gær sem sneri að skipun fulltrúa í ráð og nefndir borgarinnar. Upp kom umræða um málið þegar að fimm fulltrúar meirihlutans sátu hjá við skipun varamanns Framsóknar og flugvallarvina í mannréttindaráð borgarinnar. Tillagan var samþykkt samhljóða. Hildur Sverrisdóttir, varaborgarfultrúi talaði fyrir tillögunni. Hún sagði að það væri lýðræðislega óeðlilegt að gera skipun annarra flokka í nefndir og ráð pólitíska eins og formið bjóði upp á með að bjóða upp á hjásetu. Flokkarnir eiga að hafa fullt lýðræðislegt umboð til að skipa hverja þá sem þeim hugnast og bera með því pólitíska ábyrgð á…

Ólýðræðislegur popúlismi meirihlutans

Hildur Sverrisdóttir

Í umræðunni sem spannst í kringum umdeilda skipun varamanns Framsóknar og flugvallarvina í mannréttindaráð Reykjavíkurborgar hefur lítið farið fyrir alvarlegum punkti sem með réttu á að gagnrýna borgarstjórnarmeirihlutann fyrir. Það er ótækt að fulltrúar meirihlutans, þar með taldir bæði borgarstjóri og forseti borgarstjórnar, hafi skipt sér af þessari skipun með því að sitja hjá við kjör varamannsins á borgarstjórnarfundi og rökstyðja það með andúð sinni á viðkomandi fulltrúa. Það skiptir engu hversu umdeild skipunin var eða maðurinn sem skipa átti. Það er einfaldlega ótækt í öllum tilvikum að meirihlutinn skipti sér þannig af því hvernig aðrir flokkar nota sitt lýðræðislega…