Leiknir fái betri keppnisvöll

leiknir

Fulltrúar Sjálfstæðisflokksins í íþrótta- og tómstundaráði lögðu fram tillögu á fundi sínum fyrir helgi sem sneri af því að keppnisvöllur Leiknis myndi fullnægja kröfum Knattspyrnusambands Íslands.  Lagt er til að áhorfendaaðstaða, fjölmiðlastúka, varamannaskýli o.s.frv. verði endurbætt vegna þess að Leiknir R. komst upp í Úrvalsdeild karla nú á dögunum. Áhorfendastúka félagsins tekur 432 sæti en Knattspyrnusamband Íslands gerir ráð fyrir því að að lágmarki séu lið með 500 sæti vegna leikja í efstu deild. Lagt var til að íþrótta- og tómstundaráð myndi ráðast í nauðsynlegar framkvæmdir áður en Leiknir hefur keppni í efstu deild sumarið 2015.

Farið yfir málin á fundi Varðar

Lok fundar

Vörður, fulltrúaráð Sjálfstæðisflokksins í Reykjavík, hélt fund með borgar- og varaborgarfultrúum Sjálfstæðisflokksins á þriðjudaginn sl. í Valhöll. Fulltrúarnir fengu öll stutta framsögu og af því loknu svöruðu þeir spurningum fundarmanna. Óttarr Guðlaugsson, formaður Varðar, stýrði fundinum. Halldór fór vel yfir þau helstu mál sem við höfum talað fyrir á síðustu borgarstjórnarfundum og í borgarráði. Fundurinn gekk mjög vel og var mikil og góð samstaða sem ríkti milli fundarmanna og borgarfulltrúanna. Borgarfulltrúarnir halda nú norður á Akureyri á Landsþing Sambands íslenskra sveitafélaga en Halldór er einmitt formaður sambandsins. Hér að neðan eru nokkrar myndir af fundinum.

Meira gagnsæi í stjórnsýsluna

Kjartan Magnússon, borgarfulltrúi

Borgarfulltrúar Sjálfstæðisflokksins lögðu fram tvær tillögur um gagnsæi í borgarkerfinu á borgarstjórnarfundi í gær. Kjartan Magnússon, borgarfulltrúi, fór fyrir tillögum sem snerist um aukið gagnsæi í stjórnsýslu og hins vegar um aukið gagnsæi við ráðstöfun almannafjár. Kjartan vill birta þau gögn sem eru lögð formlega fram á fundum nefnda og ráða borgarinnar á netinu ásamt fundargerðum svo þau eru sýnilegri almenningi. Einnig vill hann gera allar kostnaðargreiðslur borgarinnar sýnilegar almenningi á netinu. Í samtali við Morgunblaðið í morgun segir Kjartan að þetta sé endurflutningur á sambærilegum tillögum frá 2012 sem hafa verið samþykktar áður í borgarstjórn. „En svo bara gerist ekkert…

Kynna líkamsræktarstöð í Breiðholti

Breiðholtslaug

Kjartan Magnússon, borgarfulltrúi, mun verða á opnum kynningarfundi í dag til að kynna fyrirhugaða líkamsræktarstöð við Breiðholtslaug. Á fundinum verður hugmyndin að baki verkefninu kynnt í stuttu máli og sýndar myndir af staðsetningu og útliti fyrirhugaðrar líkamsræktarstöðvar. Að því loknu gefst fundarmönnum kostur á að koma með fyrirspurnir og athugasemdir.  Kjartan verður ásamt Sólveigu Valgeirsdóttur, forstöðumanns Breiðholtslaugar auk fulltrúa frá skipulagssviði Reykjavíkurborgar. Fundurinn hefst kl. 18:00 í dag, miðvikudaginn 10. september og verður haldinn í Íþróttamiðstöðinni Austurbergi (gengið inn hjá Breiðholtslaug). Fundurinn er haldinn á vegum sjálfstæðisfélaganna í Breiðholti og íbúasamtakanna Betra Breiðholts.                …

Minnihlutinn fær sæti

Borgarfulltrúar Sjálfstæðisflokksins

Á borgarstjórnarfundi í síðustu viku gerðu borgarfulltrúar Sjálfstæðisflokksins athugasemd við af hverju að minnihlutinn (Sjálfstæðisflokkurinn + Framsóknarflokkurinn og flugvallarvinir) fái ekki sæti í ferlinefnd fatlaðra. Samkvæmt samþykktum nefndarinnar er ferlinefnd fatlaðs fólks skipuð 6 fulltrúum og jafnmörgum til vara. Borgarráð kýs einn fulltrúa sem skal vera borgarfulltrúi eða varaborgarfulltrúi sem jafnframt skal vera formaður nefndarinnar. Öryrkjabandalag Íslands tilnefnir þrjá fulltrúa og skal í tilnefningunni taka tillit til mismunandi aðgengisþarfa, svo sem aðgengi hreyfihamlaðra, sjónskertra og blindra. Þroskahjálp tilnefnir einn fulltrúa og Félag eldri borgara tilnefnir einn fulltrúa. Ferlinefnd mótar stefnu í ferlimálum, tekur ákvarðanir og gerir tillögur til umhverfis- og skipulagsráðs sem varða verksvið hennar….

Slæleg framganga í skólamálum á síðasta kjörtímabili

Kjartan Magnússon í borgarstjórn

Á borgarstjórnarfundi í gær gagnrýndu borgarfulltrúar Sjálfstæðisflokksins samstarfssáttmála meirihlutans. Kjartan Magnússon, borgarfulltrúi, sagði að ekki ætti að dæma nýjan borgarstjórnarmeirihluta eftir samstarfssáttmálanum heldur á grundvelli verka hans. Í sáttmálanum segði t.d. að gagnsæi, upplýsingagjöf og aukið lýðræði yrðu eitt af meginverkefnum kjörtímabilsins. Fyrstu skref meirihlutans lofuðu hins vegar ekki góðu eins og meðfylgjandi dæmi sýndi: Nokkrum dögum eftir að nýi meirihlutinnn tók við völdum í júní sl. lögðu borgarfulltrúar Sjálfstæðisflokksins til að tölur um afköst Hellisheiðarvirkjunar yrðu gerð aðgengileg almenningi enda væri löng hefð fyrir því að slíkar tölur væru birtar. Stjórnarmenn Samfylkingar, Bjartrar framtíðar, Pírata og VG í stjórn Orkuveitu Reykjavíkur…

Fólkið okkar um helgina

kjartan_21km_2014

Menningarnótt fór fram á laugardaginn ásamt því að öll þátttökumet í Reykjavíkurmaraþoninu voru slegin. Fólkið okkar var út um allt um helgina og má sjá nokkrar myndir af þeim hér að neðan. Halldór Halldórsson dansaði með Færeyingum á Menningarnótt. Áslaug María Friðriksdóttir gekk upp á Esjuna fyrir helgi. Marta Guðjónsdóttir og Hildur Sverrisdóttir voru mættar á flugeldasýninguna á Menningarnótt. Kjartan Magnússon, borgarfulltrúi, hljóp hálfmaraþon á laugardaginn. Herdís Anna Þorvaldsdóttir sá Justin Timberlake í gær. Björn Jón Bragason var í góðum hópi á Naustabryggju á laugardaginn. Magnús Sigurbjörnsson hljóp boðhlaup á laugardaginn til styrktar Reykjadals. Örn Þórðarson hljóp 10km.

Enn einn starfshópurinn

krakkar_skoli

Á fundi skóla- og frístundarráðs á miðvikudaginn sl. var samþykkt tillaga frá fulltrúum Samfylkingarinnar, Bjartrar framtíðar, Vinstri grænna og Pírata um að setja á fót fagráð um eflingu lestrarfærni og lesskilnings meðal barna og ungmenna í skólum Reykjavíkurborgar. Hlutverk ráðsins verði að móta tillögur um hvernig megi efla lestrarfærni og lesskilning meðal reykvískra grunnskólanemenda, sem og málþroska, hljóðkerfisvitund og læsi barna í leikskólum borgarinnar. Kjartan Magnússon og Marta Guðjónsdóttir, sem sátu á fundinum sögðu það vera eitt helsta áhersluatriði borgarfulltrúa Sjálfstæðisflokksins að gripið verði til aðgerða í því skyni að bæta kennslu í lestri og efla lesskilning í reykvískum skólum. Er sú staða…

Þjónustusamningi við skáta sagt upp

Úlfljótsvatn

Á fundi skóla- og frístundarráðs í gær var samþykkt tillaga sviðsstjóra skóla- og frístundarsviðs að sagt yrði upp þjónustusamningi milli Reykjavíkurborgar og Útilífsmiðstöðvar skáta. Miðstöðin sem rekur skólabúðir að Úlfljótsvatni hefur verið í áratuga samstarfi við borgina og mótmæltu fulltrúar Sjálfstæðisflokksins því á fundinum í gær. Kjartan Magnússon, borgarfulltrúi, og Marta Guðjónsdóttir, varaborgarfulltrúi, sátu fund skóla- og frístundarráðs í gær þar sem þau sögðu að samstarf Reykjavíkurborgar og Útilífsmiðstöðvarinnar hefði alltaf verið með ágætum. Þau bentu á að í samninginn vanti nokkur ákvæði svo hann sé í fyllsta samræmi við styrkjareglur Reykjavíkurborgar frá árinu 2012. Eðlilegt væri að umræddum ákvæðum yrði…

Notar Dagur bíl frá borginni?

Ráðhús Reykjavíkur

Á fundi borgarráðs þann 22. maí sl. spurðust borgarráðsfulltrúar Sjálfstæðisflokksins fyrir um notkun borgarfulltrúa á bifreiðum í eigu Reykjavíkurborgar. Þar óskuðu fulltrúarnir eftir því að vita hvort að Dagur B. Eggertsson, þáverandi borgarfulltrúi, hafi notað bíl í eigu Reykjavíkurborgar og hversu lengi hann hafi notið þessara bílafríðinda og hversu umfangsmikil þau hafi verið. Þá báðust þeir einnig eftir því að vita hvort að bílatengdar starfsgreiðslur til borgarfulltrúans hafi verið skertar í ljósi noktunar hans á bifreiðum í eigu borgarinnar. Nú fyrir helgi, þann 24. júlí sl. var lagt fram svar við fyrirspurninni þar sem sagt er að einn borgarfulltrúi hafi notið…